తెరాస అధినేత కెసిఆర్ పై టిడిపి నేత హరికృష్ణ నిప్పులు

తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుపై తెలుగుదేశం నాయకుడు హరికృష్ణ నిప్పులు చెరిగారు. తెలంగాణ ఉప ఎన్నికల్లో గెలిచింది తెరాస కాదని, సానుభూతి గెలిచిందని ఆయన ఆదివారం గుంటూరు లో మీడియా ప్రతినిధులతో అన్నారు. తెలంగాణలో టిడిపిని అంటరాని పార్టీగా మార్చే కుట్ర జరుగుతోందని ఆయన ఆవేదన వ్యక్తం చేశారు. ఎన్టీ రామారావు తెలంగాణ ప్రజల ప్రయోజనాల కోసం పటేల్, పట్వారీ వ్యవస్థను రద్దు చేశారని ఆయన చెప్పారు.

తెలంగాణ తెచ్చేది, ఇచ్చేది తామే అంటున్న కాంగ్రెసు పార్టీని వదిలేసి టిడిపిని ఎందుకు విమర్శిస్తున్నారని ఆయన ప్రశ్నించారు. చంద్రబాబు ప్రజాభీష్టం మేరకే నడుచుకుంటున్నా రని, అందుకు వ్యతిరేకంగా వెళితే ఎవరో కాదు - తానే ఊరుకో నని ఆయన అన్నారు. మొదటి నుంచి అన్నదమ్ముల్లా కలిసి ఉన్న తెలుగువారందరం ఇక ముందూ అలాగే ఉందామని పిలుపునిచ్చారు. వాళ్లు అనుకున్నట్లు రాష్ట్ర వచ్చినా ఎగువ రాష్ట్రాలు ప్రాజెక్టులు కడితే ఎలా నీరు వస్తుందని ఆయన ప్రశ్నించారు.

www.123tollywoodcinemalu.blogspot.com is not responsible for the accuracy, compliance, copyright, legality,decency, or any other aspect of the content of other linked sites.Sometimes we post the links from other sites that are on the Internet.