వైఎస్‌ జగన్‌ వర్గానికి మరో షాక్‌...?
జగన్‌ వర్గానికి చెందిన మరోనాయకుడిపై వేటు పడింది. కిసాన్‌ సెల్‌ కార్యదర్శిగా ఉన్న గట్టు రాంచందర్‌రావును ఆ పదవి నుండి తొలిగించారు. పత్రికలకు ఆయన ఇచ్చిన స్టేట్‌మెంట్ల కారణంగానే ఈ చర్య తీసుకున్నట్లు కిసాన్‌ సెల్‌ చైర్మన్‌ కోదండరెడ్డి తెలిపారు. అంబటి రాంబాబు సస్పెన్షన్‌ వ్యవహారంపైనే జగన్‌ సీరియస్‌గా ఉండగా... మరోనేతపై వేటు పడింది.ఇప్పటికే జగన్‌ మద్దతుదారు సురేఖ అధిష్టానానికి రాష్ర్టంలో తమకు ఎదురవుతున్న పరిస్థితులను వివరిస్తూ లేఖ రాయగా... లేఖ విడుదలైన కొద్దిసేపటికే రాంచందర్‌రావును పదవి నుండి తొలిగించడం కాంగ్రెస్‌ వర్గాల్లో చర్చనీయాంశంగా మారింది. దీనిపై తనకెలాంటి సమాచారం లేదని గట్టు రాంచందర్‌రావు చెబుతుండగా... కిసాన్‌సెల్‌లో ఎవరినైనా నియమించుకోవచ్చని, పార్టీకి ఆ వ్యవహారంతో సంబంధం లేదని పిసిసి వర్గాలు స్పష్టం చేస్తున్నాయి. అయితే ఈ వ్యవహారం మరోసారి కాంగ్రెస్‌లో కాక పుట్టించే అవకాశాలు కనిపిస్తున్నాయి.
www.123tollywoodcinemalu.blogspot.com is not responsible for the accuracy, compliance, copyright, legality,decency, or any other aspect of the content of other linked sites.Sometimes we post the links from other sites that are on the Internet.
